Janna Dominguez and Iwa Moto snub each other at FHM victory party

May common denominator sina Janna at Iwa.

Parehong rumampa noong Huwebes ng gabi, July 14, sa victory party ng FHM 100 Sexiest Women in the World 2011 sina Janna Dominguez at Iwa Moto sa World Trade Center, Pasay City.

Si Janna ang napapabalitang girlfriend ngayon ng ex-boyfriend ni Iwa na si Mickey Ablan.

Matatandaang nagkaroon ng magulong hiwalayan sina Iwa at Mickey. Reportedly, nauwi ito sa paninira ng ilang mga property at sa suicide attempt ni Iwa.

Sa FHM party nagkita, pero hindi nagpansinan sina Janna at Iwa.

"Nagkita kami, pero hindi kami nagbatian. Mas maganda kasing ganun na lang," pagkumpirma ni Janna sa PEP.ph (Philippine Entertainment Portal) nang ma-interview namin siya sa backstage pagkatapos ng show.

Idinadahilan ni Janna na pareho silang busy ni Iwa sa show kaya hindi sila nagkaroon ng pagkakataong makapag-usap.

"Hindi talaga kami nagbatian, e. Pero okey lang, relax lang.

"Yung mga babae siyempre, party, party. Hindi naman porke nasa stage ka mag-aaway na kayo," paliwanag niya.

Nailang ba siya nang makita niya si Iwa sa stage?

"Okey lang, sakto lang," mabilis niyang sagot. Anong ibig sabihin ng "sakto lang"?

"Kasi alam ko namang wala akong ginawang masama sa kanya. Hindi ko siya natapakan in any way na alam ko.

"Kasi kung alam kong nakatapak ako ng tao, magsu-sorry ako.

"Pero hindi ko kailangang mag-sorry sa kanya dahil wala naman akong ginagawang masama sa kanya," paliwanag ni Janna, na ang tinutukoy pa rin ay si Iwa.

Hindi ba masakit sa feelings yung alam mong wala kang ginagawa masama, pero sa ginagawang pag-iwas sa kanya ni Iwa ay parang meron siyang ginawang mabigat?

"Hindi. Parang nirerespeto ko siya kung anuman ang dinadamdam niya, or what. Kasi, hindi pa naman kami nakakapag-usap nang maayos.

"And if ever na mag-usap kami nang maayos, sana totoo lahat.

"Yun naman ang importante. Kasi si Mickey, nagsalita naman sa akin na lahat totoo. Ganyan. Yun naman ang importante.

"Saka kung friends kami, di ba, nasabi ko sa Showbiz Central. Friends kami, pero yung sa amin, parang, 'O, Mare, kumusta?' Ganun-gano'n lang.

"Walang malalim na pinag-ugatan na, alam mo yun? Na walang isini-share sa isa't isa. Yung bonding moments namin or whatever. Walang gano'n."

Ibig sabihin, walang dapat panghinayangan kung hindi man sila magbatian? "Wala," ang mabilis niyang sagot.

HIDING MICKEY. Sa interview ng PEP kay Janna, nalaman naming hindi niya kasama si Mickey that night.

"Wala. Wala siya dito, kasi hindi mo naman kailangang ipangalandakan na nakikita kami ng mga tao," sabi niya.

Noong magkarelasyon pa sina Iwa at Mickey, laging sumasama ang huli sa aktres para suportahan ito.

Naisip tuloy naming baka dahil nandoon din sa blowout party ng FHM si Iwa kaya hindi na sumama si Mickey kay Janna?

"Hindi naman. Siguro mas magandang iwas na lang tayo sa kung anumang posibilidad na puwedeng mangyari.

"Hindi namin wini-wish na mangyari yun, di ba?" paliwanag niya.

Ewan lang namin kung itinatago ni Janna si Mickey, pero nalaman naming nandoon lang pala sa paligid ang lalake at umiiwas ito sa mga press.

Nakaalis na si Iwa nang sumulpot si Mickey kaya maaaring hinintay lang nitong makaalis ang dating kasintahan bago siya pumunta sa backstage para kay Janna.

Hindi namin alam kung itinanggi lang ni Janna na nandoon si Mickey, o sadyang wala siyang kaalam-alam sa pagdating ng kanyang rumored boyfriend.

Source: http://www.gmanews.tv/story/226474/entertainment/pep-janna-dominguez-and-iwa-moto-snub-each-other-at-fhm-victory-party

Read More

Iwa Moto, nasugatan matapos magwala dahil sa galit sa ex-boyfriend

Dinala sa ospital ang Kapuso sexy star na si Iwa Moto dahil sa tinamo nitong mga sugat sa katawan matapos magwala bunga ng labis na galit sa ex-boyfriend na si Mickey Ablan.

Tanghali nitong Huwebes nang magwala si Iwa at basagin ang windshield ng isang sasakyan na sinasabing pag-aari ni Mickey.

Dahil sa ginawang pagpokpok sa windshield, nagtamo ng mga sugat sa kamay ang aktres, bukod pa sa sugat nito sa tuhod matapos umanong madapa.

Inabutan pa ni entertainment reporter Nelson Canlas si Iwa na nagsisigaw at umiiyak sa gilid ng GMA compound sa Timog Avenue, Quezon City.

Sa Chika Minute ng GMA news 24 Oras, napag-alaman na pinuntahan daw ni Mickey si Iwa sa kalagitnaan ng taping nito sa Kapuso compound.

Ilan buwan nang hiwalay ang dalawa pero nakikipagbalikan umano si Mickey sa aktres.

Dahil nasa kalagitnaan ng trabaho, pinapapaalis umano ni Iwa si Mickey na nagpipilit siyang makausap.

Nagalit si Iwa nang tangayin umano ni Mickey ang kanyang cellphone. Gusto raw kasi ng binata na makita ang mga text messages kay Iwa at malaman kung sino ang bago nitong boyfriend.

Bukod dito, may ginawa pa umanong pagbabanta si Mickey.

Pilit na hinabol ni Iwa ang dating nobyo at nang hindi abutin ay pinagbalingan ng galit ang kotse nito.

Matapos magamot sa ospital, maika-ikang bumalik sa trabaho si Iwa.

Makikipag-ugnayan umano ang aktres sa kanyang abogado at posibleng humingi siya ng proteksiyon sa mga awtoridad.

Samantala, sinisikap naman ng GMA News na makuha ang panig ni Mickey.

Source: http://www.gmanews.tv/story/220433/entertainment/iwa-moto-nasugatan-matapos-magwala-dahil-sa-galit-sa-ex-boyfriend

Read More

Iwa Moto, Thankful sa Kanyang mga Castmates

Onscreen ay kaagaw ni Lucille ang kapatid na si Yna sa puso ni Lyndon sa Dwarfina . But offscreen, Iwa Moto is very happy to be working with both Dennis Trillo and Heart Evangelista.

Napapansin ba ni Iwa na tila package deal na sila ni Dennis, at palagi niyang inaagaw ito sa kanilang mga naging shows?

“Hindi, mahilig lang po talaga silang i-pair ako kay Dennis!” sagot niya.“Andami na nga, ano? Oo nga, andami na nga!”

Bakit kaya sa tingin niya ay paborito siyang kuning kontrabida para sa mga shows ni Dennis?

“Mukha daw po kasing inaapi ko din si Dennis. Kaya alam niyo yun, para mukhang kawawa daw si Dennis, dual-purpose daw ako e. Para kay Dennis at saka dun sa bida,” pagbibiro niya.

May nagbago ba kay Dennis mula nang nang makatrabaho ni Iwa ang binata?

“Alam mo mula nung nakilala ko siya, wala siyang pinagbago.” Paglalahad niya. “[Yung] attitude niya. Yung ugali niya nung bago pa lang ako, nung Mahawi Man Ang Ulap, sobrang bait niya sa’kin. Yung tipong, ‘O, kumain ka na ba?’ Maalaga siya. Sa lahat maalaga siya. Tapos hanggang ngayon, ganun pa rin siya. Yung iba kasi, lalo na pag naabot na talaga yung kagaya nung naabot niya, lumalaki ang ulo. Sa kanya hindi siya nagkaroon ng hydrocephalus.”

Samantala, very thankful naman siya kay Heart na nagsilbing mentor niya noong mga panahong bago pa lang siya.

“Alam mo, malaki ang naitulong sa’kin ni Heart mula nung Luna Mystika. Siya ang nagturo sa’kin na kailangan alagaan ko yung sarili ko, kailangan maging confident pa ako sa sarili ko, at the same time, kailangan maging masaya ako sa ginagawa ko. Andami kong natutunan sa kanya na alam mo yun, hindi ko akalain na makaka… Dati pinapanood ko lang siya nung bata ako, so ayun, ngayon kasama ko na siya.”

Source: http://www.igma.tv/story/7143/Iwa-Moto-thankful-sa-kanyang-mga-castmates

Read More